మీరందరూ చదివిన “మృత్యుపత్రం”(వీలునామా) ఉరిశిక్ష పడిన ఆ నక్సలైట్ ఖైదీ డిక్టేట్ చేస్తున్నప్పుడు విన్న జైలు సూపరిన్ టెన్ డెంట్ (ఆంగ్లో ఇండియన్) గ్లాడ్ ను కలవర పరుస్తుంది. ప్రసవానికి ఇండియా వచ్చిన తన కూతురు ‘జీన్’ కు చెబుతాడు ఆ మృత్యుపత్రం గురించి. విన్న గ్లాడ్ సాబ్ కూతురు “డాడీ ఇటీస్ ఏ రేవల్యుషనరీ పోయెం.” నాకీ కవిని కలవాలని ఉంది. అంటుంది…….
………… ……. గ్లాడ్ సాబ్ జైలులో నక్స లైట్ ఖైదీ నం 842 వీరభూషణ్ పట్నాయక్ తో “చూశావా నాకూతురు నిన్ను కవి అంది, నక్స లైట్ అనలేదు.కలుస్తావా ఆమెను?మాట్లాడతావా ఆమెతో? చిన్న కుర్రాడిలా అడిగాడు.
” ఏం?ఎందుకు మాట్లాడను? తనను,తన కవితలను మెచ్చుకునే పాఠకులు అంటే కవి కెప్పుడు అభిమానమే కదా” అన్నాడు వీరభూషణ్ పట్నాయక్ (ఉరి శిక్ష పడినఖైదీనం842).
“అరె!ఆమెను కలుసు కున్నాక ఏం మాట్లాడాలో తోచదు నీకు,ఆమెకేసి చూస్తూనే ఉండిపోతావు.నా కూతురు అని చెప్పడం కాదుకాని ఆమె యెంత అందగాడో చెప్పనలవి కాదు.ఎంత అందగత్తో నీకేం తెలుసు?ఏదీ ఉహించుకో చూద్దాం. నువ్వెంత అంచనా వేయగలవో నా కూతురు అందాన్ని”అన్నాడు గ్లాడ్ కైదీతో.
“మహా అయితే నా మృత్యువంత అందంగా వుంటుంది.”అన్నాడు ఉరిశిక్ష పడిన నక్స లైట్.
ఆ మాట వింటూనే కటకటాల్లోకి చెయ్య పోనిచ్చి పట్నాయక్ తల పట్టుకొని కటకతాలకు మెల్లగా తాటిస్తూ ” యూ బ్రేవ్ యంగ్ మాన్ రెండేళ్ళ క్రితమే నీవు నాకు పరిచయం అయి వుంటే నా కూతురుని నీకే ఇచ్చేవాడిని ……….. ఆల్ రయిట్, సాయంత్రం నా కూతురును తీసుకొస్తాను ఎడురుచూస్తుండు.” అంటూ మెల్లగా కదలి పోయాడు గ్లాడ్.
………..”ఎలావుంది మా అమ్మాయి?” గర్వంగా అడిగాడు గ్లాడ్ సాబ్
“అందంగా” వీర భూషణ్ పట్నయం జవాబు
“ఎంత?” గ్లాడ్ సాబ్ దర్పంతో కూడిన ప్రశ్న
“ఎంత అందంగా అంటే ……ఈమెను చూసి వుంటే చాలామంది రొమాంటిక్ కవుల కవితలు మరింత రొమాంటిక్ గా బాగా అందమయిన వర్ణనలతో వచ్చి ఉండేవి.” అన్నాడు పట్నాయక్
ఈ మాట వింటూనే ఫాసీ గేటు ఆవరణ అంతా దద్దరిల్లేలా నవ్వాడు గ్లాడ్ సాబ్.తన కూతురు అందచందాలను నక్స లైట్ ఖైదీ మెచ్చుకోవడంతో సాబ్ తనను తాను మరిచిపోయి మనసారా నవ్వుతూ అడిగాడు ” జీన్ ను చూసి నీకు ఏమన్నా కవిత్యం పుట్టుకు రాలేదూ?”
“లేదు. నాకామెను చూస్తుంటే వాళ్ళ అమ్మ హత్య గుర్తొచ్చింది.” -పట్నాయక్.
(గ్లాడ్ సాబ్ భార్య మారా {జీన్ కన్న తల్లి } జర్మన్ జ్యూస్. ఆమెను నియంత హిట్లర్-గెస్ట ఫోలు గ్యాస్ చాంబర్ లోకి తోసి చంపేశారు.అప్పటికి జీన్ రోజుల పాప.)
అంటే ఆ మాటతో గ్లాడ్ సాబ్ గుండె చెరువయ్యింది. జీన్ విస్మయంగా నక్స లైట్ కేసి చూసింది. అతని కళ్ళల్లో అశ్రువులు.
ఫాసీ గేటు ప్రాంతం అంతా నిశ్సభ్డం కాసేపయిన తర్వాత ఆ మౌనాన్ని బద్దలు కొడ్తూ జీన్ ” మీకు చూయించాలని నాకవితల నోట్బుక్ తెచ్చాను.”అంది.
“ఓ…. అలాగా ఏదీ చూద్దాం ” తనను తాను సర్దుకుంటూ అన్నాడు పట్నాయక్.
జీన్ తన చేతిలోని నోట్ బుక్ అతనికిచ్చింది.అతను ఆ పుస్తకాన్ని ఓ పర్యాయం తిరగేసాడు.చాలా ఖరీదయిన నీలం రంగు అందమయిన నోట్ బుక్ అట్టపైనమంచి సువాసనలు వెదజల్లే సెంట్ అద్దినట్లుంది. అందమయిన గుండ్రటి అక్షరాలతో చాలా కవితలు వ్రాసి వున్నాయి.శ్రీమంతుల ఇంట గారాల ఏకైక పుత్రిక వ్రాసే కవితల్లాగే వున్నాయి.నక్షత్రాలు,చంద్రుడు,వెన్నెల,చల్ల గాలులు,పిల్ల తెమ్మెరలు,తుమ్మెదల ఝుమ్మనే నాధాలు,మైదానాలు,ఇసుక తిన్నెలు,ఏటివడ్డులు,పడవ ప్రయాణాలు,….. ఇంక ఇంకా ఎన్నో అరిగిపోయిన రికార్డుల్లాంటి అమర ప్రేమలు ….. అలాంటివే.
ఒకటి రొండు కవితలు చదివాక ఆ నోట్ బుక్ తిరిగి ఇచ్చేస్తూ జీన్ తో “కవితలు అసంపూర్తిగా వున్నాయి ” అన్నాడు పట్నాయక్ .
“ఎందుకని?” గారాభంగా అడిగింది జీన్.
“వీటిలో జోలపాట లేవి?ప్రపంచంలో మొట్టమొదటి కవిత స్త్రీ నోటెంట జోలపాటగా బయటపడింది అందుకే కవిత శబ్దం స్త్రీలింగ శబ్దం. పుంలింగ శబ్దం కాదు.” అన్నాడు పట్నాయక్.
జీన్ నిరుత్తరురాలయింది.నిశ్శబ్దంగా ఉండిపోయింది.ఆరు గంటలు కొట్టారు జైల్లో వెళ్ళే ముందు “ఒక్కమాట అడగనా?” అంది జీన్. అడగమన్నట్టు తలూపాడు పట్నాయక్
“మీ మృత్యుపత్రం పవిత్రంగాను, ఎంతో తెజోవంతంగాను వుంది. చాలా చాలా బావుంది ‘ఓ క్రాంతి వీరుడి కవితలా’….. …… కానీ నా ఆవేదనల్లా ఆ విధంగా ఒక్కొక్క అవయవాన్ని మీ ఒంట్లో నుండి ఊడబెరుకుతుంటే, ఆ హింస, ఆ వేదన మీరెలా భరించ గలరు?మీకు భరించలేని బాధ కదా?మీరెలా భరించ గలరు?”అంది జీన్.
లేదన్నట్టు తలూపి వీర భూషణ్ పట్నాయక్ మెల్లగా అన్నాడు”ఏవి గొడ్డునోప్పులు కావో వాటికై దుఃఖించే పనిలేదు.” యార్డుల్లో హర్కేంలాన్తర్లు వెలుగుతున్నాయ్. గ్లాడ్ సాబ్ కూతురిని తీసుకొని బయల్దేరాడు.
…….నిద్రపోతున్న గ్లాడ్ నైట్ లాంప్ వెలుగులో మెలుకువ వచ్చి కళ్ళు తెరిచి చూస్తూ పక్కకు ఒరిగాడు గుమ్మందగ్గర అస్తవ్యస్తంగా వున్నా దుస్తులతో చిందరవందర జుట్టుతో జీయన్ నుంచుంది.తండ్రి మేల్కొన్నది గ్రహించి దగ్గరకొచ్చి మంచం పై కూర్చుంది. జీన్ ముఖం దుఃఖంతోఅలసిపోయిందని,ఏడ్చి ఏడ్చి కళ్ళు ఎర్రబడ్డాయని,చెక్కిళ్ళు ఉబ్బాయని గుర్తించాడు గ్లాడ్. కూతురిని దగ్గరకు తీసుకొని “నిద్ర రావడంలేదామ్మా? భయం వేస్తుందా?” అంటూ బుజ్జగించాడు.
కాదన్నట్టు తలాడించి తండ్రి ఒళ్లో కాసేపలాగే ఉండిపోయింది జీన్. కొంచెంసేపాగి ఆవేశంతో లేచి తండ్రిని రెండు చేతులతో పట్టుకొని ఊపుతూ “పప్పా! యూ మస్ట్ బిహేవ్ విత్ ఎ సోల్జర్ లైకె సోల్జర్ .”అంటూ అరిచింది.
గ్లాడ్ సాబ్ ఉలిక్కిపడ్డాడు.అతని నిద్ర పారిపోయింది.కూతుర్ని అడిగాడు.”వాట్ డు యూ మీన్ జీన్?”అంటూ.
“ఐ మీన్ పప్పా ………. హి ఈజ్ నాటే ట్రేటర్ ……. పపా; హి ఈజ్ గ్రేట్ రెవెల్యూషనరీ ………
………. రియల్లీ హి ఈజ్ బ్రేవ్ సోల్జర్ ……….”
” పప్పా! హంతకులు,గజదొంగల్లాగా అతన్నెందుకు హాంగ్ చేస్తారు? అతని ప్రాణం తీయాలనుకుంటే ఎదురుగా కాల్చి చంపండి. గివ్ హిమ్ ఎ సోల్జర్ డెత్ .”
ఖిన్నుడయ్యాడు, గ్లాడ్ సాబ్ నిరుత్తరుడయ్యాడు. కూతురు మాటలు అతనికి నచ్చాయి. ఓ తేజస్వి, క్రాంతివీరుడిని దొంగలా ఉరికంభం ఎక్కించాలంటే అతనికి కూడా నచ్చలేదు. కానీ తను నిస్సహాయుడు, తను ఈ విషయంలో ఏమి చేయలేడు.
……. ……. …….. ……… …….. ………………. ………………… ………………. …….. ” జీన్! యూ డోంట్ నో మై పొజిషన్. బట్ హి నోస్ …. ……. నోస్ దట్ ఐ యామ్ ఎ లిటిల్ పెట్టి బ్యూరోక్రాట్.”
దుఃఖంతో తల్లడిల్లుతున్న జీన్ దుర్భలుడయిన తండ్రి ఒళ్లో తల పెట్టుకొని చిన్న పిల్లలా ఏడుస్తూ ఉండిపోయింది
“……. …….. ఈ రోజు నిన్ను ఆఖరు సారిగా కలుసుకుందామని వచ్చాను.” అంది జీన్, వీరభూషణ్ పట్నాయక్ తో
“మంచిదే రేపు మీ పపా పర్మిషన్ ఇచ్చినా నీవు నన్ను కలుసుకోలేవు కదా?” నవ్వుతూ అన్నాడు పట్నాయక్. మృత్యువు నీడ కింద నక్సలైట్ ఖైదీ నవ్వు జీన్ గుండెను చీలుస్తోంది …… తను తెచ్చిన డిష్ మెల్లగా కటకటాల్లోంచి ముందుకు చాపింది. ఆ డిష్ ను అందుకుంటూ ఏమిటిది అంటూ అడిగాడు పట్నాయక్.
” ఏదో స్వీట్ …… ” అంటూ నసిగింది జీన్.
” మంచిదే కదూ ……. …….. చచ్చే ముందు నోరు తీపి చేసుకొని ప్రపంచం వద్ద సెలవు పుచ్చుకోవచ్చు.” అంటూ డిష్ పుస్తకాల దొంతర మీదుంచాడు.
చాలా సేపు అలా మౌనంగా గడిపారు ఇద్దరు. జీన్ కేదో అడగాలనుంది. కానీ అడగలేకపోతుంది.ఏదో చెప్పాలనుంది కానీ చెప్పలేకపోతోంది. ఎట్టకేలకు చివరి కేదో నిచ్చయించుకునట్టు,కొంచం తగ్గు స్వరంతో …..” నీకు నచ్చానా?” అంది జీన్.
” ఓహ్ నువ్వేవరికి నచ్చవు గనుక?” అన్నాడు పట్నాయక్ చిరునవ్వుతో.. ..
“మరయితే నా మాటొకటి వింటావా?”———-జీన్
“ఏమిటది?”——– వీరభూషణ్ పట్నాయక్ ప్రశ్న
” రేపు….. నిన్ను ……. నువ్వు……..ఉహూ , ఓ పదిహేను రొజులాగవూ ……… నాకోసం. ఆ తర్వాత మళ్లీ జన్మ ఎత్తి నా కడుపున పుట్టు. ఒక్క గుక్కలో అన్న జీన్ మాటలకు ఆశ్చ్చర్యంగా తలెత్తి ఆమె కేసి చూసాడు నక్సలైట్. ఆమె కళ్ళల్లో నీళ్ళు కదలాడుతున్నాయ్.
” నాకు నీ లాంటి బాబు కావాలి. నీ లాగే శూరుడూ, కవీనూ కేవలం నా కోసం ఓ పదిహేను రోజులాగవూ ” ఆమె కంఠంలో బుజ్జగింపు ఉంది, అర్దింపు వుంది.
నక్సలైట్, జీన్ కేసి చూడ లేక తలోంచుకున్నాడు.అతనికేమి మాట్లాడాలో తోచలేదు. అతని నిసితమయిన తెలివి తేటలు జీన్ కోమలమయిన భావాల ముందు ఎందుకు పనికి రాకుండా పోయాయి. అతడేమి మాట్లాడ లేక పోయాడు. కొంచం సేపు మౌనం తర్వాత జీన్ తన రెండు చేతులూ కటకటాల్లోనించి లోనికి పోనిచ్చి అతని తల ఎత్తి గద్గద కంఠంతో మళ్లీ అర్దించింది ” నేను నీకు నచ్చాను కదూ?”
నక్సలైట్ వీరభూషణ్ పట్నాయక్ గుండె బరువెక్కింది.అతని నోటెంట ఒక్క మాట కూడా బయటకు రాలేదు. కేవలం అలాగే అన్నట్టు తలూపాడు. దానికే సంబర పడిపోయింది జీన్. అతన్ని దగ్గరకు లాక్కొని అతని తలను తన గుండెలకు హత్తుకొని చంటి పాపను ముద్దెట్టుకున్నట్టు గబగబా ముద్దుల వర్షం కురిపించసాగింది. “ఎదురు చూస్తా నాన్నా నీ కోసం ఎదురు చూస్తా” నంటూ పిచ్చిగా గొనుక్కోసాగింది……….
మిత్రులారా! ఈ పైన పేర్కొన్న సన్నివేశాల పరంపర మరాటీలో అనిల్ బర్వె వ్రాసిన ” థాంక్యు మిస్టర్ గ్లాడ్ ” నవలలోనివి. అనువాదకురాలు శ్రీమతి కె.సుజనాదేవి గారు.అమరుడు అనిల్ బర్వె ఈ నవల వ్రాసి ధన్యత చెందారు. ఆయనకు జోహార్లు. అనువాదం చేసిన సుజనదేవి గారు తెలుగులో అనువాద సాహిత్యాన్ని సుసంపన్నం చేసారు. ఆమెకు రెండు చేతులెత్తి నమస్కరిస్తూ తెలుగు సాహిత్య చదువరిగా కృతజ్ఞతలు తెలియజేసుకుంటున్నాను.
